गजल
गजब छ हजुरले दिएको पहरा मलाई
बनाउनु भो आफु शिकारी हुँदै चरा मलाई ।
साँच्चै तिमी के सोच्दछ्यौ मनमा भएको बताउ
पक्का पक्की तिमी लाग्दछ्यौ सधै अप्सरा मलाई ।
घुम्ने चाहना छ संसार भरी नै कति हो कति
समय तँ नआइदे ल्याएर पिजरा मलाई ।
चाहन्न म तिमीसँग होडबाजी गर्न कहिल्यै
सके पठाइदिनु थोरै माया निखरा मलाई ।
मैले सुतेर सुन्दर सपना देख्नु छ मज्जाले
यताउती फर्काएर नसता विस्तरा मलाई ।
पहरा= चौकीदारी, ड्युटी
निखरा= शुद्ध ,पवित्र
No comments:
Post a Comment