गजल

अचेल   जिन्दगी   उजाड   भएकोछ   बगर   भएकोछ ।
न्यायको निम्ति लड्दा लड्दै आफ्नै मन पत्थर भएकोछ।

देख्छु जताततै  पीडा भैदियो  कठिन छ  न्याय पाउनै
ती गाउँका झुपडीमा पनि कल्पनाका शिखर भएकोछ।

च्यातिएको  पातहरू  लिएर  टपरी  खिल्छे अम्बू सधैं
आफ्नै दिलमा भत्किएको सपनाका लस्कर भएकोछ।

दुख त त्यहाँ लाग्छ जो रातदिन छट्पटाएको देख्दा 
मनले भन्छ सरकार  गार्जेन भन्दा जहर भएकोछ ।

तिमी पनि त्यै दुखमा मलम लगाउँदै खोज  सन्तुष्टि
गर्वले भन्न सकुँ  तिम्रो मेरो  एकै सफर भएकोछ।
Karki Amu Ambika
अम्बिका कार्की अमु
सर्लाही वाग्मती नपा
हाल चितवन भरतपुर