गजल  
हो जिवन  सहज  बन्छ, आफन्तको साथ भएपछि।
तर निल्नु न ओकल्नु हुन्छ, पीडाको खात भएपछि।

धेरै  मिलन भयो भने, बिछोड  हुन्छ भन्छन्  मान्छे;
तर  बिछोड  हुँदोरहेछ,  मुटु  छेड्ने  बात भएपछि।

फूल  पनि  मजधारमा, हुँदोरहेछ  कहिले  काँही ;
लोभी भमराको बथान भएपछि, जमात भएपछि।

पर्ने  छैन  अब  मलाई, जीवन  भर  दुःख  कष्ट केहि ;
जीवन सहज हुन्छ, सहारा त्यो तिम्रो हात भएपछि।

समय काट्नै गार्हो हुने "तारा" गन्दैमा ती आकाशका;
बिल्कुल एक्लो अनि, निस्पट्ट अँध्यारो रात भएपछि।

तारा शर्मा
भरतपुर चितवन